جون تک آئی ایم ایف کو خیرباد! رانا مشہود کا دھماکہ خیزدعویٰ

پرائم منسٹر یوتھ پروگرام کے چیئرمین رانا مشہود احمد خان نے دعویٰ کیا ہے کہ پاکستان آئندہ برس جون تک International Monetary Fund کے پروگرام سے باہر آ جائے گا۔ لندن میں ایک تقریب سے خطاب کرتے ہوئے انہوں نے کہا کہ 2018 میں ملک پر مسلط کیے گئے حالات کے باعث پاکستان کئی سال پیچھے چلا گیا، جس کے نتیجے میں عوام پر مہنگائی اور غربت کا بوجھ ڈالا گیا، تاہم ایسے وزیراعظم کو آئینی اور قانونی طریقے سے ہٹایا گیا۔

رانا مشہود کا کہنا تھا کہ Imran Khan کے ذریعے پاکستان کے خلاف سازش کی گئی، جس کے اثرات آج تک محسوس کیے جا رہے ہیں۔ انہوں نے کہا کہ Nawaz Sharif نے 250 سے زائد پیشیاں بھگتیں، مگر ان کے خلاف بنائے گئے تمام مقدمات بعد ازاں جھوٹے ثابت ہوئے۔ ان کا کہنا تھا کہ جو لوگ “ایبسلوٹی ناٹ” کا نعرہ لگاتے تھے، وہی بعد میں اپنے دعوؤں سے پیچھے ہٹتے نظر آئے۔

چیئرمین یوتھ پروگرام نے سوال اٹھایا کہ اگر مقدمات بے بنیاد ہیں تو پی ٹی آئی کے چیئرمین عدالتوں کا سامنا کرنے سے کیوں کتراتے ہیں۔ انہوں نے کہا کہ گھڑی کیس ایک واضح اور اوپن اینڈ شٹ معاملہ ہے، جس میں کسی قسم کی الجھن نہیں۔

رانا مشہود احمد خان نے مزید کہا کہ بانی پی ٹی آئی کے دور حکومت میں پاکستان کو عالمی سطح پر وہ اہمیت حاصل نہیں تھی جو آج دکھائی دے رہی ہے، جبکہ حالیہ جنگی حالات میں متعدد ممالک کا پاکستان کے ساتھ کھڑا ہونا موجودہ قیادت کی سفارتی کامیابی کو ظاہر کرتا ہے۔